۱۳۸۹ دی ۱۱, شنبه

بلوچستــان ءِ پــُلّـيــــں شهيــدان ءَ هــزاراں ســــلام !

بلوچستــان ءِ پــُلّـيــــں شهيــدان ءَ هــزاراں ســــلام !
تهـــران ءِ هونــوار ءُ بلوچ کشیـــں واکــداراں هور گـوں وتی دمگـی ( هـَـندی ) جـــلاداں بلوچ ورناهانــی زگريــں هوناں همـــک روچ ريچگاينــت. بلوچ گلزميــن ءِ سرا بلوچانــی هــلاپ ءَ هما رستری کنگاينـــت که مــاں بلوچستــان ءِ تاريــخ ءَ کــم درورانــت. بلــوچ راج ءِ دژمـن مئــے سرزميــن ءَ وتيگــی کنگ انــت ءُ بلـــوچ ءِ راجــی پجـّار ءُ کـومــی وجــود ءَ گار کنــگ لوٹنــت ءُ تــــَن تـــَن ( حتــی ) مئے نيکــراه ( مذهــب) ءِ بـــدل کنـــگ ءَ هــــم بے مـوه انــت !
دليريــں بلــــوچ ورنايـــان ءُ بلوچستــــان ءِ مزاريــں پسگــاں چـه دژمـــن ءِ رستـــری ءُ بربريــت ءَ هـــچ وڑیــں بيمـــے مـــاں وتـــی دل ءُ وجـــود ءَ راه نه دينــت. نوک ورنائيــں سيف الرحمن چهباری ءُ شيردليـــں حسان خاشی گــوں وتی پاکيــں جــان ءُ گـــران کيمتـــی زنـــد ءِ کربـــان کنــگ ءَ جـــار جـــت کـــه بلوچستـــان بلــوچ کـــوم ءِ وتـــن ءُ هنکيـــن انـــت. آ فداکاريــں شهيــــداں دگنيـــا ے ءِ مردمــاں گشــت که چهبـــار- قـُــم يا که اسپهـــان نهنـــت. چهبــاربلوچستان ءِ هنچيـں شهـــرے انــت که کٹـريں شيهـــه يان ءِ جاهمننـــد بوت نکنـــت. بلوچستــان شيهـــه نه بوتـــگ ءُ هچبـــر شيهـــه نه بيــت ءُ بلـــوچ ءِ مزاريـــــں پسگــاں بلـــوچ گلزميــن ءَ درآمـــد ءُ ڈنــّـی ياں نه دينــــت. شهيد سيف الرحمن ءُ شهيد حسان ءِ سرمچــاری جـُڈاليــں خامنه ای ءَ چــه گرانيــں واب ءَ پــچ درهينــت.
یکرنــدے دگـه چه چهبــارءَ بلــوچ ءِ برزيــں کوکـــاراں کوچنڈينـوکيــــں خامنــه ای ءِ کـرّيـں گوشــاں جکسينـــت انـــت ءُ ڈنـــی اِش پيــش داشــت انت که بلوچستـــان ءِ دژمـن روچے ناں روچے وتـی شــزاے ءَ گند انـــت.
شهيد سيف الرحمن ءُ شهيد حسان ءِ کـُــلــَه ايش ات:
بلـوچستــان بلـــوچ ءِ وتــن انت. اے گلزميـــن دگــه کسـّــے ءِ بزاں زابلــی ءُ تهــرانــی ءُ يــزدی ءُ اسپهانــی ءُ کاشانــی ءُ کـرمانــی ءِ پــِـــس ءُ پيروکــانـــی ميراس نهنت. بايدانـــت کـــه
آهـان ءُ تماميــں بلوچ دژمنيـــں درآمـــد چه بلـــوچ گلزميـــن ءَ دربياينـــت.
بلوچ ورنا که شهيد سرمچارعبدالمالـــک بلـــوچ ءُ بلـوچستــان ءِ تماميــں شهيدانـــی ءِ راه ءِ ديمبــروک انت په وتـی راجی حکانی پــچ گــِــرَگ ءُ بلوچستــان ءِ آزاتی ءَ وتـی ساه ءُ جان نــدر کننــت ءُ هنـــوگيـــں دۆر ءَ گوں وتی سـُهريــں هوناں بلوچستــان ءِ ڕاجدپتــر ( تاريخ )ءِ نوکيــن ءُ مزں پهـریں بهــرے ءَ نبيسگاينــت.
بلوچستـــان ءِ ايمانـــدار ءُ زانتکـــاريـں پسـّگـــاں، حمـل جينـــد ءُ ميرکمبــــر ءِ اوبادگــاں گـوں وتــی هوربنديـــں جهــــداں ( مبـــارزات سازمـــان يافتـــه) دژمـــن ءِ ابليسـیـــں جاســوس ءُ چگلــی اداره يــاں دگـه مزنيــں پـروشـــے مـاں چهبــار ءَ داتنــت. هنچوشيـــں پروشـــے کـه زورانســـر ءُ بلــوچ دژمنيـــں خامنــه ای ءِ جـِنــد ءُ آيــی ءِ زالميــں بــُن پيــروک بــزاں جهنـدمــــی شــاه اسماعيـــل صفــوی ءِ ريزتگيــــں هـــڈاں مــاں کبـــر ءَ هـم جکسينــــت.
هونواريـں شــاه اسماعيـــل صفــوی ءِ رستريــں پدريــچ، چــار روچ رنــد چــه چهبــار ءِ بمبانــی ترکــگ ءَ يازده بے گناهيــن ءُ بنديگيــں بلــوچ ورنا ےءَ پاهــو داتنــت ءُ اے پيمــا وتی رستری کينگــاں بلوچ ءُ بلوچستــان ءِ سرا درشــاں کرت تنکه بلــوچ سرمچارانــی ديم په ديمــی ءَ وتی عاجــزی ءَ چيربدينــت.
بلئے هنــوں چشيــں هونواری ءُ گيشيــں رستـــری هـم تهران ءِ انسان دژمنيـــں واکــداراں کمــکے کت نه کنــت. هــرروچ که گوزيــت اے انســان دژمنيــں حکومــت ءِ زوالکاريـــــں زنـــد لـُک تـِر بيــگ انــت .
رستــریں خامنــه ای ءُ تهــڕان ءِ آدگــه جاهــل ءُ زالميــں واکــدار وَ نه زاننت که کٹــریں صفوی يانی شيهـــه - بادشاهی مـاں شانزدهمــی سدی ءَ چــه بلـوچستـــان ءِ لشکـــرءَ پـروش وارت، بلئـے آ زانگــی اِنــت که بلــوچ کــوم ءُ بلــوچ سرمچــاراں هـور گــوں کورد ءُ ترک ءُ عرب ءُ تورکمـــنءُ لــُرانـی همکوپگــی ءَ آهـــانــی هنـــوگيـــں موری بادشــاهــی ءَ چپيــگ کننـــت. آخوندانــــی راج دژمنيـــں حکومــت ءِ چپيگ بيــگ ءِ روچ نزيک بؤان انــت.
ايردستيــں کوم آزات بنـــت ءُ شهيدانـــی هونانـــی برکـــت ءَ بلــوچ راج وت مستــری دور ءَ مـاں آزات ءُ گنجيـــں بلــوچستـــانءَ بـُـنگيج کنت. انشـــاالله.
شهيد سيف الرحمن ءُ شهيد حسان ءُ بلوچستــان ءِ تماميــں شهيــداں سهريــں ســــلام!
پروشــت ءُ پــروش بات اَنــــت ايران ءُ پاکستـان
آزات ءُ آبــــاد بـــات گنجيـــــں بلوچستـــــان
محمــد کريـم بلــوچ
جنوری ٢٠١١

هیچ نظری موجود نیست: